არნოლდ შვარცენეგერი 62 წლისაა!


1947 წლის 30 ივლისს არნოლდ შვარცენეგერი იშვა ამ ქვეყნად. პატარა არნოლდი ვერც კი წარმოიდგენდა, რომ წლების შემდეგ 90-იანი წლების საქართველოსთვის დედის ძუძუზე უფრო ტკბილი გახდებოდა, “პრაკატის” მამად იქცეოდა და I’ll be back-ს ინკასატორების დევიზად დანერგავდა.

XX საუკუნის 80-იანი წლებიდან დაიწყო შვარცენეგერმა(ჩვენში უფრო შვარცნეგერმა) ხალხისთვის თავის შეყვარება. ჯერ იყოდა კონანი გვაჩუქა კინოს გურმანთ, შემდეგ საკულტო ტერმინატორი შექმნა. არც მანამდე და არც მას შემდეგ არავის ასე დამაჯერებლად არ უთამაშია რობოტი რომელიც მომავლიდან მოევლინა ქვეყანას. 1985 წელს Commando გამოვიდა. ჩემი ბავშვობის სისხლიანი მოგონება, ფილმი სადაც არნოლდი მარტო უმკლავდება კოლომბიის ჯარსა და ა.შ.შ-ის მოსახლეობის 31%-ს. ფილმი რომლის შემდეგაც სახედახატული დადიოდა ნახევარი თბილისი, მეორე ნახევარი კი ლიმონკას ფეხებთან იფეთქებდა იმის იმედით, რომ შვარცენეგერივით გადარჩებოდა. 80-იანების ბოლოს ავსტრიელი ბიჭუნა ღმერთად იქცა. ჯერ “ხიშნიკი” დაამარცხა, შემდეგ დენი დე ვიტოს ტყუპისცალი გახდა, ბოლოს კი მარსზე იმოგზაურა. ვინ იცის რამდენს უწმენდია სპირტიანი ბამბით “გალოვკა” რათა კიდევ ერთხელ ენახა საყვარელი მომენტი ფილმიდან “შვარცნეგერი მარსზე” რომელსაც სინამდვილეში Total Recall ჰქვია, ან რამდენს აკუმლატორზე შეერთებულ ტელევიზორთან უთენებია ღამე რათა “ტყუპებში” არნოლდის საოცარი მონოლოგებისთვის დაეგდო ყური.

დრო გადიოდა ის კი სულ უფრო მეტად უყვარდებოდა ყველას. სივესტერ სტალონე ნიჭიერი იყო, ბრუს ლიი წყალზე დარბოდა, ჩაკ ნორისი არასოდეს იღიმებოდა, ვან დამური ჩხუბები ყველას ევასებოდა, მაგრამ არნოლდის დარი დიდება არავის ღირსებია. “ბეტმენი და რობინის” გამოსვა თბილისში ცუდ პერიოდს დაემთხვა. ბნელეთი გამეფებულიყო ვახტანგ გორგასლის ჯილა ქალაქში. თუმცა მისტერ ფრიზი მაინც ყველას ახსოვს, სწორედ მისტერ ფრიზმა გადააწყვეტინა ბევრს ეყიდა “ტურბო” “კერასინკები” და ამით ვილანი გამხდარიყო მეზობლის თვალში. ის გუბერნატორი გახდა, თუმცა მაინც ყველას ახსოვს აგერ 2010 წელს ეპიზოდურ როლს ითამაშებს სილვესტერ სტალონეს ფილმში The Expendables.

გახსოვდეს რომ ყველას გვიყვარხარ არნოლდ შე შვარცენეგერო !

პ.ს ასევე ვულოცავ რიჩარდ ლინკლეიტერსა და კრისტოფერ ნოლანს დაბადების დღეს არც ესენი არიან ცუდი ტიპები : D

©ნიკა ესებუა(Leonard Shelby/Leito)

2 comments so far

  1. Sophie Golden on

    რამდენი ვიცინე :ლოლ:
    ბავშვობაში ერთი მეზობელი მყავდა და შვარცენეგერს ეძახოდნენ, მთელი უბნის გოგოებს უყვარდათ…
    ჰოდა, გვიყვარხარ, არნოლდ, შე კუნთო შენა, if u know what I mean😉

  2. Natosha on

    😀 aaaaaa ) arni, chemi pirveli siyvaruli (ert-erti pirveli, 10 clit ufros, zmis zmakactan da soso pavliashviltan ertad😀 lol ) ^^

    I’ll be back😀


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: