Archive for the ‘თსუ’ Tag

Without Passion You are already dead

სწავლის დაწყებამ და პირიქით სამუშაოს გარეშე დარჩენამ წელში გამწყვიტა :დ ძალიან მეზარეობდა ბლოგზე რაიმეს დაწერა, თუმცა დღეიდან  ძველებურ ტემპს დაუბრუნდება ჩემი ბლოგი.

ჩემი მეგობარი ილია ჭავჭავაძის სახელობის სახელმწიფო უნივერსიტეტში სწავლობს, დღეს საგნებს ირჩევდა და გაოცებული დავრჩი ისეთი საგნები ისწავლება მანდ.

“დემონოლოგია, ჯადოქრობა და ჯადოქრობები კულტურაში”

“გმირები, ღმერთები და ურჩხულები”

“გამოჩენილ მწერალთა სატრფიალო თავგადასავლები და მათი ასახვა ლიტერატურაში”

“ლამაზი და მახინჯი, ბორიტი და კეთილი, ქალი და მამაკაცი”

“სხეულის თავგადასავალი, ევროპული და ქართული ვერსიები”

“რა არის პოეზია? პოეტები და მუზები”

“შესავალი რომანტიკაში”

“შესავალი ელექტროაკუსტიკურ მუსიკაში”

“შესავალი პოპულარული მუსიკის წარმოშობისა და განვითარების ისტორია”

“როკ–მუსიკის სტილების ისტორიული მიმოხილვა”

“მუსიკა კინოსა და თეატრში”

“იდეების ისტორია”

“ფანტასტიკა ევროპულ ლიტერატურაში”

“ლიტერატურა და კინოხელოვნება – მსოფლიო ლიტერატურის შედევრების ცნობილი ეკრანიზაციები”

და ეს არის არასრული ჩამონათვალი იმ საგნებისა რომელთა გავლა ნებისმიერ ჭავჭავაძელს შეუძლია.  ძალიან ძალიან დამაინტერესა 20–მდე საგანმა მაშინ როცა თსუ–ში წელიწადში 2 საგანი ნუ მიმიზიდავს თავისი სახელით ხოლმე, ვაპირებ დავესწრო ამ ლექციებს(3–4 საგანს) და ვნახო კურსი ისეთივე საინტერესო თუ იქნება როგორიც სახელია.

ეს ამბავი ერთგვარი შესავალია ჩემი მტავარი სათქმელისა. ზემოთ ჩამოთვლილი საგნების განხილვისას თუ როგორი შეიძლებოდა ყოფილიყო თითოეული, ყველაზე დიდი ხანი  “ლიტერატურა და კინოხელოვნება – მსოფლიო ლიტერატურის შედევრების ცნობილი ეკრანიზაციებს” დავუთმეთ. რა არ გავიხსენეთ საყვარელი ეპიზოდები ფილმებიდან, ფრაზები, მუსიკა და ა.შ

სახლში რათქმაუნდა სამარშუტო ტაქსითი წამოვედი გზაში კვლავ ამ საგანს უტრიალებდა ჩემი გონება.

კლინტ მენსელის Death is the Road to Awe ჩაირთო, ალექს დე ლარჯმა წინ გადამირბინა, მაკმერფიმ კალათში ბურთი ისროლა, რალფ ფაინსმა ფანჯრიდან ბავშვს ესროლა. უცებ გაისმა სემუელ ელ ჯექსონის ხმა Do you know what the scariest thing is? To not know your place in this world, to not know why you’re here. ლეონარდ შელბიმ კიდევ ერთი ტატუ დაიმატა სხეულზე, რუფუს სიუელი კიდევ უფრო ჩაიძირა Dark City–ს ბინძურ სამყაროში, რობინ უილიამსი მიხვდა რომ თვითონ იყო Fisher King. ახალი და ახალი სახეები ჩნდებოდნენ ჩემს წინ, უეცრად ფილიპ სეიმურ ჰოფმანმის მიერ ნათქვამ ფრაზას მოვკარი ყური, რომელიც რობერტ დე ნიროს მიაძახა:Darling, I am more man than you will ever be, and more woman than you will ever get .ამ ფრაზას დიდი მითქმა–მოთქმა მოჰყვა, თუმცა ჰოლი ჰანტერმა განმუხტა სიტუაცია როდესაც პიანინოს მიუჯდა. პიანინოს რომელსაც შიშველი ჰარვი კეიტელი ნაზად უსვამდა ტილოს,  ფორესტ გამპმა ცეკვა დაიწყო, ნიკოლ კიდმანმა და ევან მაკგრეგორიმ სიმღერა.

Death is the Road to Awe ნელ–ნელა დასასრულს უახლოვდებოდა, კლინტის მუსიკამ ყველა მოაჯადოვა და დაადუმა. კრისტიან ბეილი ბავშობაში გადაეშვა, დედის ტუჩებს თითებით შეეხო და მხოლოდ ასე იცნო მშობელი, დაე სუს თავი ჰქონდა დახრილი, ხანდახან ამოიხედებოდა და გიჟივით იღიმოდა, დონი დარკო კურდღელს მისჩერებოდა, ვუდი ალენი ენი ჰოლიზე ოცნებობდა. 53 წამი რომ იყო დარჩენილი მენსელის მუსიკის დსრულებამდე , V(ვიი) ადგა, ჯოხი აღმართა. სამარისებულმა სიჩუმემ დაისადგურა. უეცრად გაისმა აფეთქების ხმა, მუსიკა და ცეცხლის ალი აირია ერთმანეთში. მე დავინახე Big fish–ი, შესასვლელი City of god-ში, მე ვიგრძენი როგორ მოვხვდი Fargo–ში და როგორ დაიწყო ბაყაყების წვიმა. ჩემი გადარჩენა სცადეს დეკარდმა, რეპლიკანტებმა, ვინსენტ ვეგამ და ჯულიუს უინფილმდა. მე Matrix–ში მოვხვდი საიდანაც ენჯიმ და ბორდენმა დამიხსნეს და ნაპოლეონ დინამიტთან მიმიყვანეს რომელმაც მხოლოდ ეს მითხრა: This is pretty much the worst video ever made.

გაოფლილს გამეღვიძა, “მარშუტკა” თითქმის ჩემს სახლთან იყო მისული. ძალიან ხშირად ვიძნებ ტრანსპორტში, მაგრამ ასეთი სიზმარი პირველად ვიგემე.

Untitled

ძალიან დაღლილი ვარ. ორი დღეა დილიდან საღამომდე სადღაც დავბოდიალობ ან რაღაცას ვაკეთებ. მართალია სულ გონებრივი სამუშაოთი ვარ დაკავებული, მაგრამ დამიჯერეთ ფიზიკურზე არანაკლებ დამღლელია ტვინით მუშაობა.

იმედში კიდევ ერთი თჳე მომიწევს საბოლოო პასუხისათვის ცდა. ოქტომბრის დასაწყისისთვის ან კარისკენ მიმითითებენ ან კონტრაქტზე მომაწერინებენ ხელს. არადა მაგრად მინდოდა უკვე დამეწყო მუშაობა, სწავლა მეწყება და ცხრილს ზუსტად შევუთავსებდი, თუ საჭირო იქნებოდა შედარებით “არაპოპულარულ”  ლექტორებს ავირჩევდი, სმააგიეროდ ლექციებს არ გავაცდენდი. ეხლა კი არ ვიცი რა ვქნა. საგნები დავარეგისტრირე ისე :

1)ბეჭდური მედია

2)მედიის კვლევის მეთოდები

3)იაპონური ენა

4)ინტეგრირებული მარკეტინგ კომუნიკაციები

5)მას.კომუნიკაციის შესავალი

6)ძნელად აღსაზრდელი ბავშვის ფსიქოლოგია

თითქმის კმაყოფილი ვარ საგნებით. ყოველ შემთხვევაში საინტერესო სახელები მაინც აქვთ.

ეს დღეები რაღაც ძალიან უცნაურად მიდის. ჯერ 31-ში ან 1-ში ველოდი იმედიდან ზარს და მაშინ როცა პესიმისტურად განვეწყვე 2-ში დაგვიძახეს ni2-ის ხალხს, მერე საგნებზე დავიტანჯე, ამას რა?სად?როდის? სტუდენტური Top10-ის მოახლოებაც დაემთხვა, კვირას(ზეგ)  პირველი ტურია უკვე და დღეს ვივარჯიშეთ “ინტეგრალმა”.  მინიმუმ რა?სად?როდის?-ის ტურნირის მოგებას ვგეგმავთ, მაქსიმუმ ჰეთ-რიკის გაკეთებას, რა?სად?როდის?თან ერთად ბრეინ რინგისა და ერუდიტ სექსტეტის მოგებას.  ყველაზე მაგარი კი მესიჯი იყო რომელიც რამდენიმე დღის წინ მივიღე ადამიანისაგან ვინც ალბათ ყველაზე უცნაური მოვლენაა ჩემს ცხოვრებაში, ყველაზე საინტერესო და მიმზიდველი პიროვნება ვისთანაც კი ოდესმე კონტაქტი მქონია, იმდენად ამოუცნობია მისი ნებისმიერი ნაბიჯი, რომ არანორმალურ სიამოვნებას მგვრის მასთან ურთიერთობა. არადა ხშირად ნაბიჯები ჩემთვის არც ისე სასიამოვნოა :დ

ტრანსპორტში იმდენად დიდ დროს ვატარებ, რომ ჩემს მპ-40ს დავწვავ მალე.

პ.ს  ეს ტრეკი გამახსენდა ეხლა წერისას. 2009 წლის ერთ-ერთი საუკეთესო მუსიკალური ქმნილებაა.

©ნიკა ესებუა(Leonard Shelby/Leito)

საგნების არჩევა

სწავლა 21 სექტემბერს იწყება გავიგე. თსუ-ში რომელი საგნის სწავლა გინდა და რომელ ლექტორთან სტუდენტი თავად ირჩევ. ყოველ წელს დიდი ომია სასურველ ლექტორთან ლიმიტირებულ ადგილებზე ჩასაწერად. დილით ადრე ადგომა, შუაღამემდე კომპთან ჯდომა, აი ეხლა გაიხსნება საგანი და დავრეგისტრირდების ძახილში. როგორც წესი ჩემს ფაკულტეტზე(სოციალურ და პოლიტიკურ მეცნიერებათა) საგნების დაგდებას ბაზაში ყოველთვის აგვიანებენ, მინიმუმ 3-4 დღით ამიტომაც ეს დღეები კომპიუტერთან უნდა გაატარო სტუდენტმა თუ გინდა ქებულ და ე.წ “კარგ” ლექტორთან(ებთან) მოხვდე.

საგნების არჩევა 24 აგვისტოს იწყებაო გავიგე, ხოდა დღეს უნივერსიტეტს ვეწვიე, ტუტორების დახმარებით არასოდეს ვსარგებლობ ხოლმე, მაგათვის რომ დამეჯერებინა ეხლა რა საგნები მექნებოდა გავლილი არც კი ვიცი. მეორადი საერთოდ არ ავიღე თავის დროზე, რათა სრული თავისუფლება მქონოდა და მესწავლა ის საგნები რომლებიც მაინტერესებდა. მხოლოდ ჩემი სპეციალობის, ჯურნალისტიკის, სავალდებულო საგნების გასაგებად მივდივარ ხოლმე თსუ-ში სწავლის დაწყებამდე.

როგორც მოსალოდნელი იყო საგნების არჩევის დაწყება 7 დღით გადაიდო, რადგან სწავლა 21 სექტემბრის ნაცვლად 5 ოქტომბერს იწყება(10 დღის შემდეგო დაახლოებით).

სახლში დაბრუნებულმა დავიწყე საგნების ჩამოწერა, რომელთაგანაც 6-ს ავირჩევ და ვისწავლი მეხუთე სემესტრში, წელს ანუ. საგნებს იმის მიხედვით ავირჩევ, თუ როგორ მეცლება(მუშაობა თუ დავიწყე საღამოს საათებში რომელი ლექციებიც იქნება იმას დავესწრები) . ჩემდა “სასიხარულოდ” ყველა საგნის გამოცდა მაღლივში გადაიტანეს, ჯერ-ჯერობით არაფერი შემტენვია ორი წლის მანძილზე და დიდი სურვილი მაქვს არც ეხლა შემეტენოს.

ორშაბათამდე ცხრილს თუ გააკეთებენ კარგი იქნება, რომ გავიგო რომელი საგანი რომელ საათზეა და ავირჩიო შემდეგ.

მანამდე აგერ ჩემი შესაძლო საგნების ჩამონათვალი(თანმიმდევრობას არანაირი მნიშვნელობა არ ენიჭება):

რეკლამა სამაუწყებლო მედიაში*

ფოტოჟურნალისტიკა*

რეკლამა პრესაში

რეკლამის თეორია და პრაქტიკა

კულტურის გაშუქება მედიაში

ინტერკულტურული კომუნიკაციები*

მედიის კვლევის მეთოდები

ინტეგრირებული მარკეტინგ-კომუნიკაცია*

ბეჭდური მედია

ტელეგადაცემის მომზადება

რადიოგადაცემის მომზადება

უცხო ენა(ახალი რამე)

იაპონური ენა*

იაპონური კულტურა

კინო-ტელე რეჟისურის საფუძვლები 2

კინო-ტელე მონტაჟი

თეატრისა და კინოს ისტორია

თანამედროვე ტელე-კინო რეჟისურა

ტექნოლოგია და ხელოვნება*

სოციოლოგიის შესავალი(მაგრად თუ გავიჭედე ცხრილშჲ მაშინ :დ)

პ.ს ფიფქით 6 ფავორიტი საგანი მაქვს მონიშნული

©ნიკა ესებუა(Leonard Shelby/Leito)

ამიერკავკასიის ჩემპიონატზე

ხვალ დილით ადრე მივემგზავრები ქალაქ ბათუმს. რა?სად?როდის?-ში ამიერკავკასიის ჩემპიონატი იმართება და მონაწილეობის მისაღებად. Tsu 1 და Tsu 2 მივემგზავრებით რათა ახლგაზრდებმა გავუსინჯოთ გემო ამიერკავკასიის ჩემპიონატის ხიბლს. ეს ჩემი პირველი თამაში იქნება მსგავს ტურნირზე, აქამდე საქართველოსა და თბილისის ჩემპიონატებით შემოვიფარგლებოდი.

არ ვიცი უკან როდის დავბრუნდები, თუ მოვახეხე იქიდან ბლოგზე დაერა რამის დავწერ თუ არადა დაბრუნებულზე შევთხზავ ახალ პოსტებს. იმედი მაქვს რომელიმე ქართული გუნდი გახდება ჩემპიონი. ჩვენ ახალგაზრდები კი თავს არ შევირცხვენთ : )