Archive for the ‘შეყვარებული’ Tag

როცა ოცნებას პრობლემასთან ბრძოლა ჯობია

კენ კუეფიზი რეჟისორი რომ იყო ფილმით He’s Just Not That Into You გავიგე. ამ ნამუშევრამდე ღირებული არც არაფერი ჰქონდა გადაღებული. ფილმის სიუჟეტი მთავარი პერსონაჟის გარშემო ვითარდება – ბენი(ბრედლი კუპერი) და ჯანინი(ჯენიფერ კონელი) ცოლ-ქმარნი არიან, ერთმანეთი კოლეჯიდან უყვართ და უკვე რამდენიმე წელია ერთად არიან. ანა(სკარლეტ იოჰანსონი) დამწყები მომღერალია, რომელიც ბრუსთან სერიოზულ ურთიერთობას გაურბის, ბრუსი ალექსის(ჯასტინ ლონგი) მეგობარია, ალექსი ბარის მფლობელი მექალთანეა, რომელმაც ყველაფერი იცის ქალების სუსტი წერტილების შესახებ და ყველა იმ ფანდს ფლობს რომლსაც მამაკაცი ქალის “შესაბმელად” შემდეგ კი “გადასადგებად” იყენებს, ის ამ ტექნიკას ჯიჯის უზიარებს, ეს უკანასკნელი მამაკაცი პარტნიორის ძიებაშია, რომელტანაც ურთიერთობას შეძლებს, მაგრამ რატომრაც მას ყველა გაურბის, ჯიჯის უფრო სამსახურში ბეტია(ჯენიფერ ანისტონი), რომელიც 7 წელია საყვარელ მამაკაცთან,ნეილთან(ბენ აფლეკი) ერთად ცხოვრობს, რომელიც სასტიკი წინააღმდეგია ქორწინების, რადგან მსგავსი პროცედურები სრულიად ზედმეტად მიაჩნია. მერი(დრუ ბერიმორი) თანამედროვე ტექნოლოგიების საშუალებით ცდილობს სასურველი მამაკაცის პოვნას.

ყველა გმირი ერთმანეთს უკავშირდება და მთელი ფილმი რამდენიმე ძალიან მნიშვნელოვან კითხვაზე პასუხის გაცემას ცდილობენ.

1)თუ ბიჭი პირველი პაემნის შემდეგ არ გირეკავს

მემგონი იმაზე ოცნება, რომ მას ბებია მოუკვდა ან შენი ნომერი დაკარგა სრულიად ზედმეტია. ჯობია უბრალოდ გაანალიზო, რომ დაგიკიდა და შენ ანალოგიური პასუხი გასცე.  ძალიან მოგეწონა?  შენ რომ დაურეკო ამით ვერაფერს ვერ შეცვლი, ყველაზე კარგ შემთხვევაში ერთ-ორ სექსუალური აქტის პორციას მიიღებ.

2) შენზე არ ქორწინდება

განა ასეთი მნიშვნელოვანია ჯვრისწერა ან ხელისმოწერა? საყვარელ ადამიანს უნდა ენდობოდე და ამ ნდობის გაფორმება არაა აუცილებელი. საყვარელ ადმიანთან ერთად შვიდი წელი ცხოვრობ და რით გჯობიათ ოფიციალური ცოლ-ქმრები? ერთმანეთს უკეთესად იცნობენ, უფრო მეტად უყვართ, მამაშენის საყვარელი საჭმლის რეცეპტს ფლობენ თუ   უბრალოდ უღელში არიან შებმულები რომლიდან გამოსვლაც პრობლემებთანაა დაკავშირებული. თუ მზად არ ხარ მასთან სექსი გქონდეს, შვილი გააკეთო ან გაუჩინო, მაშჲნ ჯობია დაფიქრდე არის კი ეს ის ადამიანი რომელთან ერთად მთელი ცხოვრების გატარებაზეც ოცნებობ?

3) თუ ქალი შენთან არ წვება

გადის თვეები თქვენი ურთიერთობა კი კვლავაც პაემნისა და კოცნის სტადიაზეა. დროა დაფიქრდე რა სურს ქალს შენგან, თუ ქორწილს ელოდება ჯობია დროზე შეჩერდე, შენ მისთვის უბრალოდ “საიმედო” თავშესაფარი იქნები და სხვა არაფერი.

4)თუ ის სხვასთან გღალატობს

პრობლემა უპირველესყოვლისა შენს თავში უნდა ეძიო, მითუმეტეს მაშინ თუ ღალატის შესახებ მეუღლე თვითონ გამოგიტყდა, ე.ი  შენ შეიცვალე, აღარ ხარ მისთვის მიმზიდველი, ისეთი მხიარული როგორიც იყავით, ნელ-ნელა იხსებენ, რომ სექსი არ გაქვთ უკვე დიდი ხანია და ხვდები, რომ შენც უღალატე შენს მეუღლეს. მზად ხარ აპატიო მას ეს ყველაფერი და სცადოთ თავიდან ყველაფრის დაწყება, მან ხომ აღიარებით და თავისი სიმართლის თქმით დიდი ნაბიჯი გადმოდგა შენკენ.

დრო გადის ჩვენ ნელ-ნელა ვიცვლებით, იცვლება ჩვენი შეხედულებები, გემოვნება, სურვილები. ბავშვობაში როდესაც გოგოს ურტყამდა ბიჭი ეს სიყვარულის ნიშანი იყო, თინეიჯერობისას ოცნების კოშკებს ვაგებთ ოცნების პრინცსა და პრინცესაზე.  სწორედ ამ ეტაპზე იწყება ტყუილებისა  ის სერია, რომელიც ცხოვრების ბოლომდე გრძელდება. “არ დაგირეკა?, დაიკიდე უკეთესი გამოჩნდება”, “მაგრად მოსწონხარ და მაგიტომ არ გიმჩნევს”, “ცივად გელაპარაკა?გრძნობებს მალავს და მალე გამოგიტყდება სიყვარულში”. ცდილობ თავი დაიმშვიდო, მეგობრებიც მხარს გიბამენ და ერთად იძირებით სიცურის მორევში. ცხოვრების პირველ დარტყმასთან ერთად კიდევ უფრო მეტად ცდილობ შვება იპოვო იქ სადაც არ უნდა ეძებო. “შენი ღირსი არ ყოფილა თუ ეგრე გითხრა”, “უკეთესს იმსახურებ”, “ყველა კაცია ერთნაირია, გიღალატებსთო ხომ გეუბნებოდი”.  ცხოვრების რაღაც ეტაპზე ხვდები ადამიანს, რომელიც შენს ნებისმიერ პრინციპზე უარს გათქმევინებს, ჯვარსაც დაიწერ, ახალ სახლსაც იყიდი და სხვა ქალებსაც მიაგდებ, უბრალოდ ამ ქალის(კაცის) გამოჩენამდე შენი ცხოვრება ნეხვის კასრს არ უნდა ჰგავდეს.

ზოგს myspace-ით გაცნობილი ნაშა გვინდა, ზოგს facebook– ზე აღმოჩენილ ოცნების უფლისწულთან ცხოვრება, ვიღაცას ის დრო ენატრება როცა მხოლოდ ტელეფონი იყო კომუნიკაციის საშუალება და საათობით ლაპარაკობდა სრულიად უცნობ ადამიანთან, ვიღაცას ისეთი მეუღლე სურს რომელიც სიგარეტის მოწევას არ დაუშლის, ვიღაცას ისეთი ქმარი რომელიც სიგარეტს რომ ეწევა მას არ დაუმალავს. მიზანია ყველგან ერთია  ყველას ჰეფი ენდი გვსურს.

სასიამოვნოდ გავატარე დრო ამ ფილმის ყურებაში. გირჩევთ თქვენც ნახოთ

7/10

ნიკა ესებუა(Leonard Shelby/Leito)

Advertisements

ქართული ომები ეპიზოდი VII:მე კაცი არ ვიყო თუ…

ეს ჩემი რიგით მე-100 პოსტია ჩემს ბლოგზე. 5 თვეა რაც Faukclub(საინტერესოა რამდენმა ადმაიანმა იცის რას ნიშნავს ეს სახელი :დ) არსებობს და ამ დროის მანძილზე ძალიან შევეჩვიე ჩემს პირმშოს.

მინდა ეს პოსტი გარდამტეხი მომენტი იყოს ბლოგისა და ჩემს ცხოვრებაში, ვაპირებ რაღაც-რაღაცეები შევცვალო და ამას დღეიდან დავიწყებ. ძალიან მინდა უკეთესი ადამიანი გავხდე, კი ვიცი რომ Self improvement is masturbation(ტაილერ დერდნერის სიტყვებია Fight Club-იდან) მაგრამ ექიმებს თუ დავუჯერებთ ხანდახან ჩუკენობაც კარგია თურმე.

1)Одноклассники – ფულს გადავიხდი და ყველა მეგობარს 5+-ით დავუწერ, შემდეგ ყველას დავუკომენტარებ ფოტოებს და ამით ბევრის გულს მოვიგებ. გადავიღებ სურათს სადაც ორ გოგონაზე მექნება ხელი გადახვეული, რომელსაც ამავე საიტზე განვათავსებ და შემდეგი სახლის წარწერას დავურთავ:”აუ რა დრო ვატარე უკრაინაში. ბოზიიიიიშ”

2)Facebook – ყოველდღე ძალიან ბევრ ტესტებს გავაკეთებ, რომელთა პასუხებს აუცილებლად დავაფაბლიშებ. დავტაგავ მეგობრებს ყველა სახის სურათებში – ჰოროსკოპით ვინაა, Simpsons-ის რომელ პერსონაჟს ჰგავს, რა ფერის ტრუსიკის ჩაცმისას ექნება სახეზე ღიმილი ან რომელ ფილმში ჰგავს ბრუს ლიის.  დილით და საღამოს გავაკეთებ ტესტებს სადაც დღის მეგობარს, სექსუალურ პარტნიორს, მტერს, თამადას, მეკვლესა თუ მარშუტკაში ფულის გადამხდელს გავიგებ ვინაა.

3)შეყვარებული – აუცილებლად გავიჩენ შეყვარებულს. საშინელებაა როდესაც სიჭაბუკის საუკეთესო წლებს, სრულიად მარტო ქალის სითბოსა და სიყვარულს მოკლებული, ბნელ კუნჭულში მიგდებული, სასოწარკვეთილი ვატარებ. მინდა გოგონა რომელიც სიტყვობანას თამაშისას ა ასოზე “აკულას” მეტყვის და ამით თავის გონებამახვილობას დამანახებს, მჭირდება მდედრი რომელიც მხოლოდ მანამდე მოუვლის თავს სანამ არ დარწმუნდება, რომ მიყვარს და მერე ცელულიტის მორევში ჩაეფლობა. მინდა მყავდეს გოგონა გვედით რომელთან ერთადაც აისსა და დაისს შევხვდები, ვიცინებ, ვიმხიარულებ,  კომშის კამპოტს მოვხუფავ, მოცხარის “დიროლს” ვიყიდი და… მეტი რაღა უნდა გინდოდეს ადამიანს

4) მეგობრები – თავს მათ მივუღძვნი, ვიმუშავებ რომ ბაჩოს არაფერი მოვაკლო, თსუ-ში ვივლი რომ მაგდა გავახარო, ცეკვას ვისწავლი რომ მაროს ქორწილში გავიგიჟო თავი, ლივერპულს შევიყვარებ რომ გიორგი კმაყოფილი იყოს, პორნო ვარსკვლავი გავხდები რომ დათოს ჩემი ვიდეოები მივუძღვნა,ნაითს x box-საც ვუყიდი, ახალ PC-საც და playstation-საც რომ თვითონად დაისვენოს და “მეგალაინის” გამყიდვლებიც დაასვენოს ყოველ კვირა სიარულით. ანისთვის არაფერს გავაკეთებ, მას მუდამ უხარია ძველებური ნიკას ნახვა. სხვა მეგობრებსაც არ დავივიწყებ ყველასთვის შევიცვლები, მინდა სხვა ადამიანი ვიყო.

5)მე – მორწმუნე გავხდები. სამსახურს უფრო იოლად ვიშოვი, ხალხს უფრო მეტად ვეყვარები. დიდბალთიან ქამარს ვიყიდი, ტელეფონზე პასუხისას ხმას დავიბოხებ, მარშუტიკს გაჩერებისას “ვაჟნი” გავხდები, ნაკლებ ცინიკოსი გავხდები, სამაგიეროდ უფრო მეტ ხუმრობებს ვიტყვი(მოვიგონებ თუ რაცაა) ვაგინაზე და პენისზე.

ეხლა დავფიქრდი და ეს ცვლილებები სწორად უნდა გავატარო, ერთი შეცდომა და შეიძლება დავიღუპო, თუ რათქმაუნდა ამ ყველაფრის გაკეთების შემდეგ ისედაც დაღუპული არ ვიქნები.

ნიკა ესებუა(Leonard Shelby/Leito)

ქართული ომები ეპიზოდი VI:ვალენტინობის ხიბლი

განერვიულებულს გაგეღვიძა. მაღვიძარას თუ დავუჯერებთ ჯერ მხოლოდ 7:34 AM არის. ბლინ ჯერ მთელი ღამე არ დაგეძინა, ეხლა კი ასე ადრე გაიღვიძე. არ შეიძლება ამდენი ნერვიულობა. კი შენი პირველი ვალენტინობაა შეყვარებულან ერთად, მაგრამ მაინც გოგომ არ უნდა შეგატყოს, რომ ღელავ, მდედრები ძლიერსა და თავდაჯერებულ ბიჭებს ყვარობენ.

ადექი, კომპიუტერს მიუჯექი. იქნებ რამე მოგწერა მანამ სანამ გეძინა. შენს “ადნაკლასნიკებზე”(ადნაკლასნიკები – ქართველების მიერ დოსტოევსკის ”ძმები კარამაზოვების” შემდეგ რუსების უდიადეს ქმნილებად აღიარებული ნაწარმი. ავტ.შენიშვნა) შეხვედი. ახალი მესიჯი არ არის, მის პროფაილსაც ესტუმრე. როგორ გიყვარს მისი ფოტოების თვალიერება, 1,3 მეგაპიქსელიანი კამერის მქონე მობით გადაღებული სურათების ცქერა. ფოტოებით დიდი ორიგინალური არ ჩანს შენი სატრფო, პიკების უმეტესობა სარკის წინ, საკუთარი თავის დაფიქსირებითაა გადაღებული. კიდევ ერთი 5+ მომატებია მის მთავარ ფოტოს. სიამაყით გაიჯგიმე, შენი დიაცს უკვე 13 5+ აქვს. კომენტარებსაც გადაავლე თვალი, “რა ლამაზი სახე გაქვს პაწო” – ჰმმ ეს უკვე ნაცემი გყავს, “არ მინდა ბანალურად გეჩვენო, მაგრამ უმშვენიერესი ხარ, ვით ბულბული რომელიც  გალობს.” – ამას ებაზრე და გაიასნდა ყველაფერი, მეტს აღარ შეაწუხებს შენს სატრფოს ფრინველების თემატიკით. “wow, nice pics honey” – ინგლისურის სპეციალისტიც დამუშავებულია, მხოლოდ cool-სა და candy-ს ამბობს უცხო ენაზე. ახალი კომენტარები არაა.

აბაზანში შეხვედი, წვერს იპარსავ და ფიქრობ იმაზე თუ რა ბრწყინვალე დღე გელის წინ. ამ დღისთვის დიდხანს ემზადებოდი. ორი ძმაკაცის მობილური დაალომბარდე, ნაშას ცეპი გაუწიე და გაყიდე , პლიუს მამასაც გამოართვი ფული. მოკლედ მაყუთი შეკრულია და მაგარ დროს გაატარებ დღეს. ტანსაცმლის შერჩევა ეს ყველაზე რთული საქმეა, ნახევარი საათი ტრიალებ სარკის წინ ,ბოლოს კი არჩევანს მაინც მიმზიდველი მამაკაცის იმიჯის შექმნაზე აკეთებ. შლაქსი ჯინსები, დიდბალთიანი ქამარი რომელზეც არწივია გამოსახული, ზედაც კონტექსტიდან რომ არ ამოვარდე არწივის თემატიკაშია გაწყობილი, არმანის მაისურიზეა საუბარი, რომელსაც ჯერ კიდევ ზეგ აქვს “მე ახალი ნაყიდი ვარ” სუნი. ფეხზე შავი ფეხსაცმელი, რომლის ცხვირიც ბოინგს გავს, რომელიც ეს ესაა გასაფრენი ზოლიდან აიჭრა ცაში. თმას დიდხანს ივარცხნი ბოლოს როგორც იქნა სასურველ ბილიკს ხედავ თავზე რომელიც თმის გაყოფის შედეგად წარმოიშვა, სათვალეებს იკეთებ(ზუსტად ისეთს კობრას რომ უკეთია ფილმში) და სახლიდან გადიხარ.

თავისუფლების მეტროს წინ დგახარ. ვარდი ნაყიდია, ოქროს სამაჯურიც. 10 წუთი დაიგვიანა მან მხოლოდ. ერთმანეთი გადაკოცნეთ(გადაკოცნა – საქართველოში ლოყის გაუბედურების ერთ-ერთი საუკეთესო საშუალება, გამოიყენება ვინმესთვის შენი მისდამი ახლო ურთიერთობის გამოსახატავად. ავტ. შენიშვნა). საჩუქარი უკვე მის ხელშია,მეორე ხელი შენს იღლიაში, თქვენ სეირნობთ. ბიჭის ან ბიჭების ჯგუფის დანახვაზე სერიოზულ როჟას კერავ, უნდა ანახო ყველას ვინაა აქ მამა.

ხინკლის სახლში სხდებით. საგულდაგულოდ ნაყიდ “პარლამენტს” იღებ ჯიბიდან და მაგიდაზე აგდებ. გადის დრო და ხინკალს ჭამთ, კიდევ გადის დრო და “ალექსანდროვში” ზასაობთ. ეუბნები რომ ძალიან გიყვარს და მართლაც ძალიან გიყვარს, მასთან სექსზე არასოდეს გიფიქრია ეს კი მხოლოდ ისეთ ქალთან მოგდის, რომელსაც როგორც მომავალ ცოლს ისე უყურებ. ბედნიერი ბრუნდები სახლში.

შენ ნამდვილი ვალენტინი ხარ.

ფილმი გახმოვანებულია  ნიკა ესებუა(Leonard Shelby/Leito) მიერ.